Na Mwandishi wetu APC BLOG, ARUSHA
Mkuu wa mkoa wa Arusha
mrisho amezindua mpango mkakati wa kibiashara wa wilaya mbili za
simanjiro na longido ambao unalenga kuweka mipango ya namna gani
wafugaji watajikwamua kiuchumi.
Akizungunza katika
warsha ya uzinduzi wa mpango huo uliofadhiliwa na mradi wa Maisha bora
kwa ushirikiano wa shirika la Trias Gambo amesema kuwa mpango huo
utawezesha wafugaji wa wilaya hizo kuwa na thamani hapa nchini.
Amesema kuwa kupitia
mpango huo uliozinduliwa wafugaji wanapaswa kuongeza mnyororo wa
thamani ya mifugo yao ili waweze kuzalisha kwa tija na kwa faida tofauti
na walivyozoea kufuga kimazoea.
Aidha ameishukuru
serikali ya Beljam kwa kutoa kiasi cha dola za kimarekani milioni 11
kuhakikisha mradi huo unatekelezeka katika wilaya za longido na
simanjiro.
Nae mkurugenzi wa
shirika la Trias afrika mashariki bw Bart Casier amesema kuwa wameamua
kushirikiana na serikali ili kuwakwamua kiuchumi wafugaji katika
kuhakikisha wanaondokana na changamoto zinazowakabili.
Amesema kuwa mbali na
kusaidia miradi hiyo hadi sasa wamefainikiwa kusaidia vikundi vya vikoba
450 kwa kuwakopesha pamoja na vyama vya kuweka na kukopa (sacos)
lengo likiwa ni kuwawezesha kujikwamua kiuchumi.
Amesema kuwa wanafanya
kazi kwa kushirikiana na serikali pamoja na sekta nyingine ili kukomboa
jamii kwenye sekta za biashara,lishe,maji pamoja na mitaji.
Kwa upande wake mkuu wa
wikaya ya longido frenk Mwaisumbe amewashukuru maisha bora kwa
kushirikiana na serikali kwa kuwawezesha mradi huo kwani anaamini
utawanufaisha wafugaji lakini pia kuwanufaisha wanawake kwa kuwapatia
mikopo.
Mwaisumbe alimalizia kwa
kusema kuwa bado katika jamii za wafugaji kunawanaofuga kama
utamaduni hali ambayo inasababisha washindwe kufikia malengo yao lakini
sasa kupitia mkakati huo hali itabadilika