RUWASA MKOA WA SHINYANGA WAPONGEZWA KWA UTEKELEZAJI MZURI WA MIRADI YA MAJI WILAYA YA KISHAPU

Na Mapuli Misalaba, Shinyanga

Mbunge wa viti maalum kupitia CCM Mkoa wa Shinyanga Mhe. Santiel Kirumba leo Jumatano Novemba 29,2023 amefanya ziara ya Wilaya ya Kishapu kutembelea miradi ya maji inayotekelezwa na wakala wa usambazaji maji na usafi wa mazingira vijijini (RUWASA) Mkoa wa Shinyanga.

Katika ziara hiyo Mhe. Kirumba ameambatana na viongozi wa umoja wa wanawake wa chama cha mapinduzi UWT Mkoa wa Shinyanga wakiwemo viongozi wa UWT kutoka kwenye Halmashauri zote sita za Mkoa wa Shinyanga.

Viongozi hao wametembelea ujenzi wa mradi wa maji ya ziwa Viktoria Seseko - Ngundangali unaotekelezwa kwa fedha za Serikali Kuu kupitia mradi wa P4R mradi huo unatekelezwa kwa muda wa mwaka mmoja na unatarajiwa kukamilika Mwezi Machi, 2024.

Akisoma taarifa fupi ya mradi huo wa maji ya Ziwa Viktoria Seseko – Ngundangali, meneja wa RUWASA Wilaya ya Kishapu mhandisi Dickson Kamazima amesema mradi huo utawanufaisha wananchi katika vijiji vitano vya kata ya uchunga Halmashauri ya Wilaya ya Kishapu.

Katika ziara hiyo pia wametembelea ujenzi wa mradi wa maji kata ya Igaga ambao thamani yake ni shilingi Bilioni 6.6 na kwamba mradi huo utawanufaisha wananchi wa vijiji 13.

Baadhi ya wakazi wa Halmashauri ya Wilaya ya Kishapu wamesema kukamilika wa miradi ya Maji inayotekelezwa na wakala wa usambazaji maji na usafi wa mazingira vijijini (RUWASA) Mkoa wa Shinyanga itasaidia kumaliza changamoto wanazokutana nazo.

Wamesema wamekuwa wakitumia Maji ambayo si salama hali inayohatarisha usalama wa Afya zao na kwamba ubali mrefu wa maji unasababisha migogoro kwenye familia ikiwemo ukatili wa kijinsia ambapo wameishukuru serikali kupitia RUWASA Mkoa wa Shinyanga kwa kurahisisha upatikanaji wa maji safi na salama.

Mbunge wa viti maalum kupitia CCM Mkoa wa Shinyanga Mhe. Santiel Kirumba ameipongeza RUWASA Mkoa wa Shinyanga kwa kasi nzuri ya utekelezaji wa Miradi huku akiwaomba wananchi kuendelea kuiunga mkono serikali ya awamu ya sita inayoongozwa na Rais Dkt. Samia Suluhu Hassan ili kuendelea kutatua changamoto zilizopo.

Mbunge wa Jimbo la Kishapu Mhe. Boniphance Butondo amesema miradi ya maji inayotekelezwa na RUWASA Mkoa wa Shinyanga katika jimbo hilo baada ya kukamilika upatikaji wa maji utakuwa zaidi ya asilimia 65 na kwamba amewapongeza viongozi wa RUWASA Mkoa wa Shinyanga kwa utekelezaji mzuri wa miradi hiyo.

Kwa upande wake meneja wa RUWASA Mkoa wa Shinyanga Mhandisi Julieth Payovela ameeleza kuwa miradi yote ya Maji inayotekelezwa na RUWASA Mkoani Shinyanga itakamilika kwa wakati pamoja na kuwapa vipaumbele wananchi wazawa kwenye suala la ajira.

Mbunge wa viti maalum kupitia CCM Mkoa wa Shinyanga Mhe. Santiel Kirumba na meneja wa RUWASA Mkoa wa Shinyanga Mhandisi Julieth Payovela upande wa kulia baada ya kuwasili katika kata ya Uchunga kwa ajili ya kutembelea mradi wa maji leo Jumatano Novemba 29,2023.

Meneja wa RUWASA Mkoa wa Shinyanga Mhandisi Julieth Payovela akiahidi kukamilisha mradi ndani ya muda wa makubaliano.

Katibu wa UWT Mkoa wa Shinyanga Asha Kitandala akiwapongeza RUWASA Mkoa wa Shinyanga kwa utekelezaji mzuri wa mradi wa maji ambao utawanufaisha wananchi wa vijiji vitano kata ya Uchunga.

Mwenyekiti wa UWT Mkoa wa Shinyanga Grace Samwel naye akiwapongeza RUWASA Mkoa wa Shinyanga kwa jitihada hizo za utekelezaji mzuri wa mradi wa maji kata ya Uchunga.

Meneja wa RUWASA Wilaya ya Kishapu mhandisi Dickson Kamazima akisoma taarifa fupi ya mradi wa maji ya Ziwa Viktoria Seseko – Ngundangali.

Meneja wa RUWASA Wilaya ya Kishapu mhandisi Dickson Kamazima akikabidhi taarifa ya mradi wa maji ya Ziwa Viktoria Seseko – Ngundangali kwa mbunge wa viti maalum Mkoa wa Shinyanga Mhe. Santiel Kirumba.

Viongozi mbalimbali baada ya kuwasili katika mradi wa maji ya Ziwa Viktoria Seseko – Ngundangali kata ya Uchunga leo Jumatano Novemba 29,2023.

Viongozi mbalimbali wa UWT Mkoa wa Shinyanga baada ya kuwasili katika mradi wa maji ya Ziwa Viktoria Seseko – Ngundangali kata ya Uchunga leo Jumatano Novemba 29,2023.

Mbunge wa viti maalum kupitia CCM Mkoa wa Shinyanga Mhe. Santiel Kirumba katikati, Meneja wa RUWASA Mkoa wa Shinyanga Mhandisi Julieth Payovela upande wa kushoto pamoja na Meneja wa RUWASA Wilaya ya Kishapu mhandisi Dickson Kamazima upande wa kulia wakielekea kwenye mradi wa maji ya Ziwa Viktoria Seseko – Ngundangali kata ya Uchunga leo Jumatano Novemba 29,2023.

Meneja wa RUWASA Wilaya ya Kishapu mhandisi Dickson Kamazima akitoa maelezo ya mradi wa maji ya Ziwa Viktoria Seseko – Ngundangali kata ya Uchunga kwa viongozi.

Mwonekano wa tenki la maji katika mradi wa maji ya Ziwa Viktoria Seseko – Ngundangali kata ya Uchunga Halmashauri ya Wilaya ya Kishapu ambapo viongozi wakiendelea na ziara.

Viongozi wakiendelea na ziara katika mradi wa maji ya Ziwa Viktoria Seseko – Ngundangali kata ya Uchunga Halmashauri ya Wilaya ya Kishapu

Viongozi baada ya kuwasili katika mradi wa maji mwingine katika kata ya Igaga Halmashauri ya Wilaya ya Kishapu.

Ziara ikiendelea Wilaya ya Kishapu.

Viongozi mbalimbali wakitazama namna maji yanavyotoka ikiwa ni sehemu ya ziara.

Viongozi mbalimbali wakitazama mradi wa maji katika kata ya Igaga

Viongozi mbalimbali wakitazama namna maji yanavyotoka ikiwa ni sehemu ya ziara.

Mwonekano wa tenki la maji katika mradi wa maji utakaowanufaisha wananchi wa vijiji 13 vya kata tatu za Halmashauri ya Wilaya ya Kishapu Mkoani Shinyanga.

Viongozi wakijiridhisha taarifa ya mradi.

Mbunge wa Jimbo la Kishapu Mhe. Boniphance Butondo akizungumza ambapo pamoja na mambo mengine amewapongeza viongozi wa RUWASA kwa kasi nzuri ya utekelezaji wa miradi ya maji jimbo la Kishapu.

Mbunge wa viti maalum kupitia CCM Mkoa wa Shinyanga Mhe. Santiel Kirumba akipanda ngazi katika mradi wa maji ikiwa ni sehemu ya ziara yake Halmashauri ya Wilaya ya Kishapu leo Jumatano Novemba 29,2023.